Lo Cantal.
Vaquí un mot que pòt èesser lo
sinonim de perfeccion perque Maria Joana e Ieu n'ensortissèm , ja es
una pròba !! ^^
Treva de galejadas cal plan dire que lo
Cantal es un boçin de tèrra entre Puèg de doma, Avairon , Losèra,
Òl, Correza e Leire nauda.
Nasquèri a Orlhac, cap del
despartament, e ma familha demoòra entre Orlhac e Salers !!
Per Ieu lo cantal e la tèrra de mon
enfancia, mas del melhor costat de mon enfancia es a dire lo terrador
de las vacanças, l'ostal dels grands ont moj paire e ma maire avián
pas lo drèch de me dire quicòm, e coma ma grand e mon grand son des
pacient dels bèls me fasiái pas jamai repotegar.
Mas lo Cantal es tanben ligat amb la
vida de pagés qu'an menat mos grands e qu'a plan conegut mon paire ;
e ieu soi estat educar dins aquel ambient de bòria ont i a de temps
per trabalhar e d'autres per far los cons !!
En mai d'aquò lo Cantal es estat per
ieu un luòc de descoberta de la vida a la campanha, per exemple soi
estat pescar a la man, ai pausat de pièg pels peis, ma primièra
virada a la caça...breu un mond de descoberta que !!
Aprèp çò mai important a l'ora d'ara
es que lo Cantal es estat lo luòc de la descoberta de l'autra lenga,
de la lenga familhala coma me la presentavan, es a dire lo patès que
nosautres apelam Occitan.
A la debuta èra mai que mai la lenga
de discussion entre mos grands, mas per nadal deveniá tanben la
lenga dels oncles, puèi pauc a pauc es venguda ma lenga, a la bòria
mon grand m'apreniá qualques mots, per gelosia pensi ma grand a
l'ora de manjar m'en apreniá un pauc mai.Es aquò que ma balhar
l'enveja de començar l'occitan al collègi. Alai ai rescontrat
Monsur Causse que n'a far qu'augmentar aquela enveja de descubrir e
d'aprener l'occitan !! Breu n'anam pas parlar penden d'oras mas
vaquí çò qu'es lo cantal per ieu, es a dire mai que la tèrra del
bon fromatge, del eski al Liorant e de la visita del polit vilatge de
Salers ont i a de tipes que fan d'alcool amb la genciana !!
Aucun commentaire:
Enregistrer un commentaire